JAMAA YANGU ALISOMBWA NA MAFURIKO

Ndugu zangu nawaombeni msaada maana kuna rafiki yangu anakesi kali sana kwa mkewe na anaomba eti niwe shahidi yake. Ila nina wasiwasi yaliyomkuta  nikiyatetea yatavunja ndoa yangu ambayo ni miaka mingi. Ukija mtaani kwangu uliza mtu yoyote atakuambia kuwa mimi ni mtu mtaratibu, nampenda mke wangu na haya mambo sijui ya kuchepuka, mimi sina kabisaaaa. Kifupi mimi ni mfano mzuri kwa ndoa za siku hizi. Sasa kilichomtokea rafiki yangu nikikikubali kitatishia kuvunja misingi imara ya ndoa yangu niliyojenga siku nyingi.

Hii mvua inayoishia ndio chanzo cha tatizo. Yaani nimechanginyikiwa kwa kweli. Kwa kadri ya maelezo ya rafiki yangu, eti siku nne zilizopita alitoka kwake na kuelekea dukani maana alikuwa amejifungia ndani muda mrefu na mkewe sababu ya mvua,  hivyo ikawa lazima atoke aende kununua majani ya chai na sukari. Wote mnajua mvua zilivyochachama siku mbili tatu hivi, kabla ya kufika dukani kulikuwa na mtaro mrefu, anasema alivyoruka kumbe hakupiga mahesabu vizuri nikajikuta ametumbukia kwenye maji yaliyokuwa yanaenda kasi, akasombwa na maji. Baada ya hapo anasema hajui kilichotokea ila tu akajikuta yuko kwenye kitanda kwenye chumba hakifahamu. Mwenye chumba kuja alikuwa binti mmoja mrembo aliyemwambia kuwa alizolewa na maji na kuokotwa na wasamalia wema na binti huyo alijitolea kumpa pa kulala mpaka atakapopata nafuu. Na akadai ilikuwa siku ya nne ndipo alipopata fahamu Tatizo na kuwa wambeya walienda kumwambia mkewe kuwa wamemuona jamaa kwa mwanamke mmoja na mkewe akaja kumkuta huko na kudai kamfumania. Yaani kila nikifikiria kumtetea hadithi hii napata tabu kwani najua mke wangu atadhani tunashirikiana kutetea safari zetu. Naomba msaada wenu nifanyeje ili stori hii ikubalike kuwa rafiki yangu kweli alizolewa na mafuriko yakamtupa kwenye chumba cha mrembo. Nahitaji jibu mapema