Tamko la Jumuiya ya Madikteta

Jumuiya ya Madikteta tumeamua kutoka hadharani kuwatetea wanyonge. Nyie wanyonge mnapata tabu sana kwa hiyo sisi tumeamua kuwatetea. Tuna mikakati kabambe ya kuhakikisha mnakombolewa kutoka hili dimbwi la njaa kali, uonevu, dhuluma, na kunyimwa haki zenu za kimsingi kwa ujumla. Ili kuweza kuwaletea raha ya milele tutafanya yafuatayo;

1. Tutazuia chakula kisipikwe popote (mnajua hili ni kiboko maana wanaowanyanyasa wakiona mna kufa kwa njaa watapanik, hivyo watapanga mikakati ili chakula kipikwe)

2. Tukiona kuna dalili za chakula kupikwa mahala fulani tutafanya chini juu mpango huo usifanikiwe ili muendelee kufa kwa njaa, msingi hapa ni ‘objective’ kufa mtu mmoja hapa na pale siyo main issue. Tunajua mtatuelewa na mtakuwa na sisi katika kipindi hiki kigumu cha kutafuta njia ya kuwapa raha ya milele, mpaka tone lenu la mwisho la damu.(hapa tuwapongeze wapishi wote waliogoma kupika, maana wakifa watu wengi ndo ushindi wetu utakaribia)

3.Jumuiya ya Madikteta tungependa kuwataarifu kuwa ‘off course’ na sisi tuna kitu tutapata katika kuwakomboa, maana hatimae tutakuwa na magari, mishahara mikubwa, nyumba za kisasa, likizo Ulaya, lakini hivi ni vitu vidogo sana kulinganisha na ambacho hatimae mtapata maana itakuwa raha ya milele, hakuna kufa wala nini mtaishi mpaka mchoke

4.Tuungeni mkono kwa kuonyesha kuwa mnateseka na kufa wengi kwa njaa kwenye vyombo vya habari, hii itasaidia sana watu kushika adabu na kutuachia tupate tunachotaka, yaani furaha na raha yenu ya milele bila kufa

 IMETOLEWA NA MPASHA HABARI WA

JUMUIYA YA MADIKTETA DUNIANI KWETU