BARUA YA USHAURI KWA MZEE ABRAMOVICH

-->

Kwa Mzee Roman Abramovich,

Chelsea 

Stamford bridge

ULAYA

Shikamoo. Mimi  ni mmoja wa wapenzi wa soka duniani, na kwa muda mrefu nimekuwa ninafuatilia mambo ya klabu yako yanavyokwenda kiukweli nina masikitiko sana. Ulipokuja Tanzania nilijua umekuja kutafuta njia ya kusov matatizo ya klabu yako, inaonekana pengine ulitapeliwa maana huku tuna wataalamu wazuri sana, klabu zetu za hapa hutumia mamilioni kwa ajili ya wataalamu hawa, na kwa kweli  wataalamu hawa wanasaidia sana sema hawa viongozi wa klabu ndio huwa wanakiuka masharti, mtu anaambiwa asivuke barabara kwa siku tatu ye akitoka kwa mtaalamu tu anavuka, au mara nyingine wanakataa masharti, kwa mfano juzi wazee flani waliambiwa wachanjwe chale za kiunoni eti wakakataa, sasa klabu itapataje maendeleo kama watu mnakuwa wabishi? Kuna mjomba wangu mmoja alinambia kwa mfano ungekuja huku angekuchanja wewe chale kwenye nyayo kwa niaba ya klabu maana wewe ndio nguzo, yaani mwenyewe ungeona maajabu baada ya siku tatu, wabaya wako wote wangekuja kukuomba msamaha na wote walioiendea vibaya timu wangeumbuka. Hivi kufukuza makocha mara sijui ya 9 haisaidii kwa kuwa wabaya wako wamekutupia wewe mkosi halafu hirizi wakatupa kwenye shimo la choo kimoja huko Uwanja wa Fisi, Manzese…(hii ni sehemu moja kubwa sana huku Dar es Salaam), sasa bila kuteguliwa hiki kipengele utabadilisha sana makocha. Halafu hapa Dar tunaye Kocha wa Ulimwengu, hivi juzi tu kaacha bendi yake ungemchukua huyu mtoto wa Bagamoyo angekusaidia sana kuimarisha timu.

Mkuu halafu timu yako haina mabaunsa hili ni tatizo utakuta kila mtu anaingia klabu bila ruksa hii inawapa wabaya wako nafasi ya kuja kumwaga dawa zao kwenye vyumba vya wachezaji, huku kwetu tuna mabaunsa wanauzoefu wa toka enzi ya Gulamali( huyu alikuwaga Abramovich  wa huku).

Sisemi mengi we ukiwa tayari nipigie ntakuunganisha tu huku kuna waganga wa Kinaijeria, kimasai, wakutoka Sumbawanga, kigoma, yaani wewe tu

 Mpenzi wa Chelsea 

0713274747

Anko